Irizar Asia Pacific-ek egoitza berriak ireki ditu Australian
Irizar Asia Pacific-ek inoiz egindako inbertsio handiena inauguratu du: Pakenhamen, Melbourne, berariaz eraikitako egoitza, hain zuzen ere. Australian entitate gisa hamargarren urtea ospatzean, Irizarrek etorkizun zirraragarriarekin duen konpromisoa agerian utzi zuen ekitaldiak.
Instalazio ikaragarriek, haztea errazteko neurriak eta diseinua dituztenak, bezeroak, hornitzaileak eta lankideak hartu zituzten bertan. Ospakizunean hartu zuten parte, besteak beste, Imanol Rego Kontseilari Delegatuak eta Roberto Recuerda Hispacolden Zuzendari Exekutibo Nagusiak.
Irizar Asia Pacific-eko Zuzendari Nagusia, Steve Heanes, pozarren zegoen Irizar markaren hazkuntza eta hedapena ospatzeko ekitaldian autobusen australiar sektoreko horrenbeste jarraitzaile elkartzeagatik. Izan ere, duela 17 urteko banatzaile eredu hura 2013an entitate dedikatu bilakatu zen, eta, egun, bere arloan, merkatuko kuotaren lider zoragarria bihurtu baita.
Egoitzetan halako inbertsio nabarmenak egin ondoren, Heanesek Asia Pacific-eko taldearen lana goraipatu zuen, berrikuntza, hazkuntza eta aukerak dakartzan etorkizun jasangarriko plan errentagarri bat bermatzeko.
Hainbat autobus erakutsi zituzten, gonbidatuek zuzenean ikusi ahal izateko. Autobusen zerbitzurako instalazioek ere gonbidatuei erakutsi zieten zer-nolakoa den australiar egoitzak eskain dezakeen laguntzaren irismena, modu fidagarrian hedatzen jarraitu ahala.
Bere hitzaldian, Heanesek Irizar talde osoa gonbidatu zuen bere alboan egotera, eta Irizarren balio ezagunak diren oinarri sendoen eta kalitatearen gainean eraikitako negozioarekin daukan konpromisoa eta zerbitzua goraipatu zituen.
Irizarren egoitza berriak are gehiago kokatzen du Irizar Asia Pacific luxuzko autobus egokitu eta pertsonalizatuen arloko lider, gure merkatu berezi honetan. Halaber, Irizarren marka berritzaileek, Hispacold-ek esaterako, negozioaren barruan hazteko daukaten aukera ere nabarmentzen ari da.
Egoitzak jada ofizialki irekita daudenez, Irizarren mundu mailako berrikuntza inoiz baino hobeto ezarri da, salmenten, zerbitzuaren eta australiar bezeroentzako berariazko laguntzaren bitartez. Gauak arrakasta ikaragarria izan zuen, eta elkarrekin lan egiteaz harro dauden pertsonen eta harremanen lekuko izan zen.