Segurtasuna ororen gainetik

Errepidean arazoak saihestea exijentzia bat da Irizar ibilgailuentzat, eta, horretarako, gure autokar eta autobus guztiek merkatuko teknologia aurreratuenak dituzte gidariari lagundu eta abisatzeko eta, hala, arrisku egoerak saihesteko.

Aurretik segurtasunean

Istripuak prebenitzen laguntzeko eta ingurune seguruago bat sortzeko, gure autobusek segurtasun aktiboko sistema modernoenak dituzte.

Gure autokar eta autobus guztiei merkatuko segurtasun aktiboko teknologia aurreratuenak ematen dizkiegu, gidariari laguntzeko, ohartarazteko eta laguntzeko eta arrisku egoerak saihesteko. Gainera, gidatzeko ohiturarik onenei buruzko formaziorako aukera eskaintzen dugu, distrakzioa minimizatzeko eta gidatze seguru, efiziente eta fidagarriagoa emateko.

Aurrez aurreko kolisioaren ohartarazpena
Konektatutako ibilgailua
Zirkulazio seinaleak eta gehiegizko abiadura antzematea *
Argi luzeen kontrol adimentsua*
Segurtasun distantziaren monitorizazioa*
Oinezkoekin talka izango dela ohartaraztea*

Segurtasun sistema guztiak

Gidariarengan pentsatzen

Aurreko panela gidariaren erabateko gogobetetzea kontuan izanda diseinatu da. Nabigazioko tresnak eta pantailak estrategikoki kokatu dira, horiek irakurtzea errazagoa izan dadin; gainera, kontrol guztiak kokatzeko irizpidea ergonomia izan da, erraz eta intuitiboki erabili ahal izateko.

Halaber, kamera digitalen sistemak ikuspegi panoramikoa ematen du, baldintza eta egoera guztietan, baita gauez edo euria ari duenean ere.

HMI kontsola zentralaren funtzionaltasuna ere nabarmentzen da, sarbide errazeko menu batekin (kamerak, GPS, media, telefonoa, klima…) sistema elektroniko guztiak barne hartzen baititu.

Eco3 aire ionizatzaileak airea arazten du eta horrek gidariaren nekea arintzen du.

Segurtasuna ahalik eta gehien areagotuz

Gainera,bidaiarientzako segurtasun ekipamendu aukera handiak eskaintzen ditugu. Adibidez:

Maletategietako ateak eta tapak automatikoki ireki eta ixtea saihesteko sentsibilitatea
Martxan jartzea blokeatzeko alkoholimetroa
Kameren zirkuitu itxiko sistema gertaerak antzemateko
Erdiko eskailera ikusteko kamera

Beti argiztapen egokia

Argiztapen teknologia aurreratuenak aplikatzen ditugu ikuseremua eta kalitatea maximizatzeko, bai egunez eta bai gauez eta edozein egoera klimatikorekin. Sistema horiei esker ikuspena hobetzea lortzen dugu eta gidariaren begietako nekea murriztea, eta horrela arrisku egoeretan aurre hartzea.

Teknologiarik aurreratuenak

Irizarren autokarrak eta autobusak teknologiarik aurreratuenekin osatu dira diseinuari, materialei, osagaiei eta ekoizpen prozesuei dagokienez. Neke saiakuntza eta fidagarritasun proba gogorrak egiten zaizkie ikerketa aplikatuko munduko institutu ezagunenetako batean, eta emaitza bikainak lortu ohi dituzte.

Egiturak diseinatzean kontuan izaten dugu iraulketaren, aurrez aurreko talkaren eta barneko espazioaren deformazioaren kontrako erresistentzia.

Bi puntuko uhalez gain bezeroak hiru puntuko confort belt segurtasun uhalak jar ditzake, altuera guztietara egokitzen direnak, eta Isofix.

Irizar eserlekuak bidaiariei segurtasuna eta erosotasuna emateko pentsatuta daude. Erresistentzia proba gogorrenak egiten dizkiete lesioak murriztu eta biziraupen espazio minimoak mantentzeko.

Segurtasuna erreskaterako

Suhiltzaileei eta babes zibilekoei etengabeko formazioa eskaintzen diegu autokarra egonkortzeko modu egokienez eta arrisku osagaiez. Horrela beharrezko trebetasunarekin aritu daitezke bidaiariak ibilgailutik ateratzeko orduan.