2000ko Azaroaren 16a

Joan den ostegunean, 2000ko azaroaren 16an IRIZARek Gizarte Ekonomiako Txemi Cantera saria jaso zuen. Emate-ekitaldia Bilboko Euskalduna Jauregian izan zen eta besteak beste, han ziren Sabin Intxaurraga, Eusko Jaurlaritzako Turismo eta Justizia Sailburua eta Txemi Canteraren alarguna, Sol Agirre, Ohorezko Epaimahaiburua.

Koldo Saratxagak eskertza-hitzaldia arrakastaren gakoak azaltzeko ez ezik, IRIZAR proiektua osatzen duten pertsona guztiei berena aitortzeko aprobetxatu zuen aukera, horiek baitira benetako protagonistak.

Ekitaldira, guztion izenean, IRIZAReko 65 pertsona joan ziren.

Jose Miguel Cantera Sojo, Txemi Cantera, Bilbon jaio zen 1950eko martxoaren 9an. Lan ugari egin zuen bizitzan zehar, 1991ko martxoaren 16 hil zen arte.

EHUren Sarriko Fakkultatean Ekonomia-Zientzietan lizentziatu zen eta Sindikatuen alorretik eta enpresei laguntzatik Gizarte Ekonomiarekiko lotura militantera iritsi zen.

Bere bizitza gainerakoen zerbitzura hartu zuen, solidaritatean eta kooperazioan oinarriturik. Arrasateko kooperatiba-garapenaren euskarri ideologiko den Jose Maria Arizmendiarrietak zioen bezala, "Elkarlanaz hitz egiteko eta ideia hori gizakiengan errotu ahal izateko, oinarrizkoa gizaki horiek irabazi soilaz gaindiko baio batzuk izatea da. Merezi du irabazteaz gain beste zerbaiterako ere bizi izatea, baten eskuetan aukerak pilatzeaz gain. Elkabizitza, bakea, justizia, ulertzea, fintasuna, anaitasuna, bilatu eta lortu beharreko gauzak dira, eta borroka-mundu honetan benetan lortzeko beharrezkoa da lan egiten duten eta borroka egiten duten gizakiak lerrokatzeko beste era batean pentsatzea". Horrelakoa izan zen bera.

Hauek sustatzen dute sariketa:

Euskadiko Lan Sozietateen Elkarteak. Nazioartekoa da eta urterokoa.

Gizarte Ekonomiaren printzipioak babesten gehien nabarmendu diren erakunde, organizazio, enpresa edo pertsonak sarituko dira.